shaimaaelgamil

ولد صالح يدعو له في حديث الرسول صلى الله عليه وسلم أن الانسان بعد موته ينقطع عمله الا من ثلاثة منهم الولد الصالح استوقفتني كتيييير هذه الجملة ( ولد صالح ) يا ترى الولد الصالح هيجي كده مع نفسه بدون مجهود ؟!!! و لا أكيد أكيد محتاج من المربي التربية الصالحة اللي هيكون نتاجها الولد الصالح.... كتييير من الاهل بيدعوا لاولادهم بالصلاح بس ده محتاج منك كمربي انك تزرعه في ابنك بالتربية الصالحة ، عشان يكون ان شاء الله الولد الصالح اللي نفسك انه يدعي لك   و التربية الصالحة محتاجة منا مجهود، قراءة، توعية، التعرف على مشكلة المرحلة العمرية الخاصة بالطفل و التعامل معاها، انشطة، تنمية مهاراته و الصبر ثم الصبر و ان شاء الله مع بعض هنتعلم و نتعرف على اساليب و طرق في التربية   عشان نلون حياة ولادنا   ❤ عايزين ولد صالح يدعي لكم ...... ربوه تربية صالحة   دمتم طيبين أحبكم في الله شيماء الجميل #ولد_صالح_يدعو_له #ربوه_تربية_صالحة #لوني_حياة_طفلك

طريقتي في رمال القمر موضحة بالتفاصيل و الفيديو في الفيديو التالي:

سموثي الأفوكادو بالتمر الأفوكادو من الأغذية الهامه في تغذية أطفالنا، لذلك علينا تقديمها لأطفالنا بطرق مختلفة ليستفادوا منها و له فوائد عديدة لذلك أقدم إليكم اليوم عصير الأفوكادو بالتمر المكونات: ثمرة أفوكادو 7 تمرات ملعقة صغيرة عسل ملعقة كبيرة من جوز الهند المبشور من كوب و نصف إلي كوبين لبن ( حليب ) حسب الرغبة و حجم ثمرة الأفوكادو الطريقة: تمزج المكونات جميعها في الخلاط الكهربائي . و يقدم بارداً و يمكن تزينه كما في الصورة بتمر و جوز هند. و بالهناء و الشفاء دمتم طيبين شيماء الجميل مواضيع ذات صلة كاب كيك الجزر و العسل Carrot Cupcakes with Honey لمتابعة صفحة الفيس بوك لوني حياة طفلك قناة اليوتيوب https://www.youtube.com/channel/UCbbpp98R085TThvTWJi-XkQ

نشاط الأزرار من الأنشطة الخاصة بالحياة العملية في منهج المنتسوري و يكون بتدريب الطفل على غلق و فتح الازرار تابعاً الأدوات التي تم استخدامها لتنفيذ النشاط قماش جوخ أزرار قطعة من الخشب ( استخدمت لوحه بازل قديمة ) خيط مسدس شمع الطريقة قص القماش على حسب مقاس اللوحة الخشبية ثم تثبيته على الخشب بالمقص الشمع نحدد أماكن الازرار و في بداية تدريب الطفل من الأفضل استخدام الازرار الكبيرة نثبت الازرار بالخيط أو الشمع طريقة التطبيق تقوم الأم أو المعلمة بتطبيق النشاط أولا أمام الطفل تقوم أولا بفتح كل الازرار واحدا تلو الآخر و بعد الانتهاء تنتظر لحظات ثم تغلق الأزرار مرة أخرى و بعدها تترك المجال للطفل للتطبيق العمر الذي يمكن بدء النشاط فيه من سنتين و نصف إلى ثلاث و نصف تكون البداية، أو قبلها إذا كانت قدرات الطفل تسمح بذلك دمتم مبدعين شيماء الجميل #لوني_حياة_طفلك لمتابعة صفحة الفيس بوك   https://www.facebook.com/Shaima.elgamil/ و قناة اليوتيوب  https://www.youtube.com/channel/UCbbpp98R085TThvTWJi-XkQ

السلام عليكم عايزة اتكلم معاكم انهاردة في أولى مفاتيح النجاح في طريقنا إن شاء الله نحو تلوين حياة أولادنا و تلوين حياتنا معاهم للأفضل و هو السعي للتغيير من أنفسنا  قال تعالى : ( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ ) سورة الرعد آية 11 و في الحديث القدسي عن حسن ظن العبد بربه فإن خيرا فخير عايزين مع بعض نبطل كلمات زي ( أنا أم فاشلة ، أنا تعبت، ولادي متعبين ) و غيرها من الرسايل السلبية .... و نبدلها ( أنا أم ناجحه ، هربي أطفال أسوياء نفسياً بأمر الله ) بالرسائل الايجابية مع الاستعانه بالله سبحانه و تعالى هتقدري تتغيري هنعمل ايه كمان.... الدعاء كتير بأن ربنا يلهمنا الصواب و الصبر على التربية نتعلم تربية ... نقرأ كتييير ، نشتري كتب ، نحضر دورات تدريبيه، نصاحب صحبة ليها نفس هدفنا و لازم نعرف كويس أننا و احنا بنربي ولادنا بنتربى احنا كمان معاهم بنعرف من خلال التربية ازاي نكظم غيظنا و الصبر و الدعاء عارفين... ان شاء الله بالخطوات دي هتلاقوا أبواب الرزق في العلم ما شاء الله بتتفتح لكم هتلاقوا رسايل من الله سبحانه و تعالى تعرفكم أنكم صح عشان تكملوا الط

فكري لحظة و استني..... - قبل ما ترفعي ايديك و تضربي و تنزل على جسم طفلك الضعيف - قبل ما تزعقي و تعلّي صوتك عليه بصوت عالي يُؤذيه   😐 اقفي مع نفسك و اسأليها ..... ليه ؟ هل سلوكه اللي كان سبب ثورتك عليه يستحق رد فعلك الكبيييير ده ؟؟؟!!!!!     أم ثورتك عليه سببها توترك مع ضغوط حياتك فبدلاً من أنك تثوري عليها... بتخرجيها عليه هو... طفلك ذو الجسم الضعيف ... اللي أنت بنسبة له آمانه.... يتفاجئ بالتحول و الصراخ و الضرب على سبب هو مش فاهمه * مخلصتيش الاكل و البيت مكركب ... مش ذنبه * متخانقة مع جوزك أو أهله أو أهلك ... مش ذنبه * مضغوطة في شغلك و حياتك و تحقيق ذاتك ... مش ذنبه   * تفكيرك مين هيقول ايه على تربيتك أو شقاوته أو حركته ... برضه مش ذنبه أنتِ مش مطلوب منك اصلاح الكون من حولك ...   حددي أولوياتك و خففي مسئولياتك و وزعي الأدوار و المهام على أفراد أسرتك   "رحمَ اللهُ امرئٍ عرفَ قدر نفسه" و فكري كويس أوي في طفلك الأمانة و النعمة من رب العالمين... هو مش حقل تجارب   واجب على كل أم و أب التثقيف التربوي لتربية أولادهم .... لأن هذه الأمانة سنُسأل ع