shaimaaelgamil

رسالة من هادي  مستواحه من استشارات الصفحة ... لكل أم و أب أو مربي لسه بيضرب ... اقرأ القصة و فكر في كلام هادي أنا هادي.... آآآآه اسمي هادي مع أن كل اللي حواليا بيقولوا لي أني اسم على غير مسمى... بس عادي عندي 14 سنة .... كله في حياتي بقى عااااااادي.... كله شبه بعضه... مبقاش فارق معايا حاجة، لاني أنا نفسي مش فارق مع أي حد خااااالص أصل كله عااااااادي ماما على طووووول بتزعق و صوتها عالي و بتضربنا كلنا دايما تقارن بيني و بين أخويا الصغير و تحسسني أننا في سباق مين الأشطر عشان يكون الأفضل كنت كتيييييير بدور على حضنها بس مش بلاقيه، دايما مشغوله بحاجات كتييير و أنا في آخر اهتمامتها، أكتر حاجة بتهتم بيها هي مذاكرتي ... الأول كنت بذاكر عااااادي بس لما لقيتها حتى في المذاكرة بتزعق و عايزاني شاطر زي أول الفصل بدأت أكره المذاكرة و المدرسة و مذاكرش الأول كنت بتضايق لما تقعد تقول لي يا فاااااشل .... هطلعك من المدرسة و تروح تشتكي لبابا فيقول لي ( هطلعك من المدرسة و اخليك تشتغل بليه مع الميكانيكي ) لدرجة انهم بقوا يندهوا لي يا بليه يا بليه..... الاول كنت بعيط كتيييييييير بس بعد فترة بقى عااااادي...

موضوعنا اليوم التنمر و الجزء الأول زمان و أنا صغيرة في أجازة من الأجازات الصيفية... كان في حديقة قريبة من البيت كنا بنروح أنا و أخواتي نلعب هناك ..... من مرجيحة لزحليقة نلعب و نجري أنا كنت بحب المرجيحة جداً لدرجة أني كنت بحب اقعد عليها كتييير أصلي طفلة... و في يوم من الأيام جت بنت أكبر مني شوية، عايزة تلعب شوية، و قمت لها.... بدأ يتكرر أنها عايزة كل ما تيجي تقومني عشان تلعب هي.. طبعاً كنت بتضايق و مش بقوم  😐 في يوم جت اختها الكبيرة بصت لي جامد و خفت .. آه خفت أصل نظرتها كانت تدل انها هتهجم عليا، و مع ضخامة جسمها لجسمي كنت مرعوبة.... و هي قرأت ده في عيني، بقيت كل ما تظهر أجري و اسيب أي لعبة أختها عايزاها... لحد ما في يوم زاد الموضوع و جابت أصحابها و قعدوا يجروا ورايا و أنا خايفة و مرعوبة منهم..... و يضحكوا و أنا قعدت أعتذر عن ايه مش عارف؟؟؟؟ و قالت لي أوعي تشوفي أختي عايزة لعبة و متقوميش قولت لها ماشي و جريت على البيت خايفة و مرعوبة.... روحت بعيط جامد و مش قادرة اتكلم من الرعب..... ماما خافت عليا و كانت عايزة تاخدني تاني يوم عشان تجيب لي حقي بس أنا اللي كان الرعب جوايا أكبر من...