shaimaaelgamil

ماما أنا عايزة أرضع أختي زي ما أنت بترضعيها!!!  ماما هو أنا صدري صغير مش كبير زيك ليه ؟!! الاسئلة دي من واقع استشارات وصلتني طب نعمل ايه لما طفلنا يسأل سؤال من هذه الأسئلة المحرجة؟ ؟ ؟ بكل بساطة جداااااا هنقول الآتي: ربنا سبحانه وتعالى خلق الذكر و الأثنى و كل جسم منهم مختلف عن التاني لأن مهام كل واحد منهم مختلفه عن التاني الأم ربنا خلق جسمها فيه الحاجات اللي تخليها تكون حامل  و فيه مكان للبيبي جوه جسمها اسمه الرحم بيكبر فيه البيبي طب لما البيبي يتولد هياكل ازاي و معندوش سنان  😳 😳 ؟ ايوة بالضبط ربنا خلق في الست الثدي  بيكون فيه اللبن اللي هيغذي البيبي الصغنوني خالص و اللبن ده فيه اللي جسمه بيحتاجه عشان يكبر و بيبدأ يشرب منها  و يمص زي الببرونه طب و انا يا ماما معنديش ليه زيك؟ ؟ ؟ للبنت: لانك حبيبتي جسمك لسه صغير ... لسه لما تكبري و تتعلمي و تشتغلي و تكوني كبيره تقدري تتحملي مسؤولية طفل و تتجوزي نحط تحتها مليون خط هيكون شكل جسمك زيي و ان شاء الله يكون عندك بيبي  و وقتها ربنا يخللي اللبن يجيي في ثديك و البيبي يرضع منه الولد ...