سوبر ماما

ضغوط الحياة عليا من كل مكان من هنا و هنا و هنا
عامله زي الجبل شايل كتييير اوي و ثابت مكانه
بس خلاص حاسه انه قرب يتهد
طب ليه نوصل نفسنا للمرحلة دي ؟؟؟؟
احنا اه سوبر ماما 😊 و نفتخر 💪
لكننا بشر من حقنا في راحة
وقت لنفسنا و الحاجة اللي متقدريش عليها تقولي بكل بساطه
آسفة مش هقدر .....
اتربينا أغلبنا في بيوت الأمهات فيها بتشيل كل حاجة و متتوجعش غير آخر الليل على سريرها
و مش من حقها تقوووول آه لانه خلاص أصبح اللي بتعمله حق مكتسب للجميع و هي اول واحده حقها ضايع
ده خللى كتييير من أمهات اليوم تحس بالذنب و التقصير لما تتألم و تكون مش قادرة تعمل حاجة
طيب نعمل ايه عشان نلاقي نفسنا اللي تاهت منا
ورقة و قلم و حددي يوميا بالليل عايزة تعملي ايه تاني يوم في يومك ( المهام ، وقت لنفسك، وقت لبيتك و اسرتك، وقت لشغفك و تحقيق ذاتك ، و غيرها كتييير )
نقطة كمان مهمه اتعلمتها من المدربة شيماء العقيلي
تحديد أولوياتك ازاااي
دربي نفسك أسبوعيا تحددي ايه المهم اللي عايزة تركزي عليه و رتبيه
مثال : طفلي مريض فهنا هو في الاسبوع ده ليه المرتبة الاولي و ييجي بعدها بقالي الأولويات
زوجي عنده مشكلة في شغله يبقى هو هيكون رقم 1 في اوليات الاسبوع عشان اكون جنبة
عندي امتحان يبقى المذاكرة هتكون رقم 1
و هكذا و نرتب باقي الأولويات في حياتنا حسب كل واحده و ظروفها
هيفرق كتييير معاكم
و تخصيص ربع ساعة يومية ليكي على الاقل
اعملي فيها اي حاجة بتحبيها ( مشروب، رياضة، عناية بالبشرة و غيره) الحاجة اللي بتسعدك
😊
و افصلي النت و افصلي عن وسائل التواصل الاجتماعي لمدة يوم واحد فقط ترجعي فيه لنفسك و كل حاجة حية حولك هتلاقي نظرتك بتختلف للأشياء من حولك

و بالنسبة لي أنصحكم بسماع تسجيلين رائعين كمان

الاول للغالية المستشارة الاسرية دعاء صفوت حياتنا وولادنا مع المستشارة الاسرية دعاء صفوت
ابدوا في سماع أخر 20 دقيقة تمرين مفيد جدا
https://www.facebook.com/639688816150468/videos/1169279593191385/
الثاني للجميلة المعالجة النفسية ايمان رحمي
https://soundcloud.com/emanra7my/1-m4a

دمتم بخير
شيماء الجميل

#لوني_حياة_طفلك
#سوبر_ماما