shaimaaelgamil

دخلت نوسي و أنا في المطبخ و اتفاجئت بالسؤاااال ده ماما هو أنا هتجوز مين؟؟؟؟ ... لاول وهله اتفاجئت نعم يا حبيبتي بتقولي ايه؟!!! هتجوز مين يا ماما ؟؟؟؟ قولت لها معرفش حبيبتي...... دخلت في بكاااااااء و أنا من جوايا عايزة اضحك كتمت الضحكه ( لانها هتتفهم استهزاء بيها و سؤالها ) خدت نفس ( شهيق.... زفير ) و ابتسمت لها بحنان ماما: تعالي حبيبتي نطلع بره و خدتها في حضني.... مالك يا نوسي بتعيطي ليه ؟ نوسي : انت مش بتقولي هتجوز ميييين ؟ ماما: طيب نهدى عشان تسمعيني... و بدأت تهدأ فعلا لانها عايزة الاجابة دلوقتي انا معرفش انت هتتجوزي مين... انت لسه صغيرة... لازم تكبري الأول حبيبتي بصي حبيبتي ... احنا عاملين زي القطر اللي ماشي و بيعدي على محطات ( محطة... محطة ) الأول بنكون بيبي صغيرين، بعدين نكبر شوية و ندرس و تذاكر و ننجح   و نكبر شوية كمان و نشتغل و يكون معانا فلوس تخلينا نقدر نفتح بيت و نصرف عليه و نقدر نخللي بالنا من البيبي بتاعنا.... ساعتها نقدر نتجوز... وقتها هتكوني ست كبيره ان شاء الله و تتعرفي على راجل كبير ( كان ولد صغنن زيك في الاول) تتفقوا مع بعض و تتجوزي ( الكلام

 الكب كيك بالجزر و العسل وصفه صحيه و سهله أطفالنا ممكن يشاركوا فيها حسب أعمارهم ( ممكن يساعدوا في وضع المقادير و التقليب و عمل الزينه أو الوصفة كاملة اذا سنهم كبير ) الوصفة ممكن طفل عنده سنة و نص او أقل يشارك فيها و هيحسوا بعدها بالانجاز و في نفس الوقت مشاركتهم و وقت ممتع بيقضوه مع الأم فيه تنمية مهارات ، و علينا تسمية كل المقادير للطفل و اللي ليه رائحة نخليه يشمه و يتعرف على ريحته مع اسمه  لايك و شير.. عشان يوصل لاكبر عدد ممكن و لمشاهدة الفيديو في اللينك التالي: دمتم بخير شيماء الجميل و لمتابعة صفحة الفيس بوك من خلال الرابط التالي: https://www.facebook.com/Shaima.elgamil/

شجرة العائلة بطباعة اليد الأدوات: ورق ملون  A4 لرسم اليد لوحة كبيرة للصق الشجرة عليها ورق أبيض للكتابة ورق مقوى بني لهيكل الشجرة صمغ مقص الطريقة: نرسم يد كل فرد من أفراد الأسرة على الورق الملون و نترك لكل طفل حرية اختيار اللون المفضل له. نقص كل يد منهم و نعطي الفرصة لكل طفل أن يقص يديه بنفسه. نرسم هيكل الشجرة. نلصق الشجرة و الأيدي كأفرع لها على اللوحة الكبيرة. و في النهاية نلصق اسم كل فرد من أفراد الاسرة على يده. من فوائد هذا النشاط: جو المرح ، التدريب على القص و هو مهارة من مهارات التدريب على الكتابة ، فهو يقوي عضلات اليد الدقيقة، التدريب على الألوان، و روح الترابط بين الأسرة من خلال جمعهم سوياً في عمل واحد. دمتم طيبين و مبدعين شيماء الجميل #لوني_حياة_طفلك لمتابعة صفحة الفيس بوك https://www.facebook.com/Shaima.elgamil/

قال تعالى في سورة الإسراء آية 23 - 24     ( وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تنرهما وَقُلْ لَهُمَا قَوْلًا كَرِيمًا (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيرًا (24) ) آية من الآيات اللي حافظينها عن ظهر قلب و جميلة كلها رحمه و تراحم و بالتمعن في معناها   بنلاقي أغلب التركيز من الآباء دوماً في 3 أجزاء و يرددوها كثيراً و هم : جملة لا تقل لهما أفٍ   جملة اخفض لها جناح الذل من الرحمة جملة و قل ربِ ارحمهما هذه الأجزاء الثلاثة التركيز عليها كبيير جداً و مش بيأخدوا بالهم أن الله سبحانه و تعالى أنهى الآيتين   بجملة رائعة ألا و هي كما ربياني صغيرا يعني على الأهل تقديم الرحمة لأبنائهم عشان يلاقوها من ولادهم لما يكبروا جملة كتير مش بياخد باله منها، لكنها حقاً تحتاج لوقفة   و تفكير و تدبر فيها   و بالدمج بين معني الآية الكريمة ( اللي أول من لفت نظري ليها كا

أنا و نوسي امبارح لقيت بنوتي ربنا يبارك فيها و يحفظها يا رب جايه تسألني 😊 😊 😊 ماما هو مين اللي بيطلع البيبي ( Baby) من بطنك ؟! الدكتورة أو الدكتور حبيبتي ... اممممم 🤔 طب هو بيطلع ليه يا ماما ؟! لانه بيكون كبر و نموه بيكون اكتمل خلاص ( المخ و العين و القلب و الرئة و......) فبيكون خلاص ملوش مكان جوه في بطن مامته تاني و الدكتور لما بيكشف على البيبي و يشوفه بجهاز عنده بيعرف اذا اكتمل و لا لسه 😊 نوسي : ماشي و شويه و رجعت تاني مامااااااا نعم هو البيبي بيكون جوه بطن الباباهااااات كمان ( الآباء تقصد ) لا حبيبتي امممم ليه ؟! عشان ربنا خلق المكان اللي بيكبر فيه البيبي جوة بطن و جسم الام اللي اسمه الرحم و ربنا جعل جسمها يستحمل ده لكن الاب بطنه مفهاش رحم اممم ايه ده الرحم ده يا ماما ؟!!! ده المكان اللي بيكون مجهز عشان البيبي يقعد فيه لحد ما يكبر زي الاوضة و لما بيكبر بيخبط عشان يطلع و الدكتور هو اللي بيساعد الام عشان يطلع للدنيا بعد ما يكون كبر عشان يقدر يعيش في الجو ده نوسي عامله كده 🤔 هااااااا ماشي قولت لها و هجيب لك فيديو تشوفي البيبي بيكبر ازاي 😊 و سكتت و

ألوان للأطفال من كريم الحلاقة الرغوي   :) نشاط ظريف استمتعنا بيه جدا الألوان كما هو موضح بالصور بعد الجفاف تكون بارزة 3D و جافة بطريقة رغوية   :) الخطوات و الطريقة في الفيديو التالي: دمتم مبدعين شيماء الجميل

نشاط الكبش نشاط من أنشطة المنتسوري في الحياة العملية يعمل على تقوية عضلات اليد الصغيرة من ضمن الأنشطة الخاصة بالعضلات الصغيرة النشاط عبارة عن : استخدام طبقين يفضل أن يكونا من نفس اللون و صينية لون واحد ( استخدمت اطباق ملونه و صينية ملونه لأنه المتوفر لدي ) في بداية النشاط نستخدم مكرونة مثلا من النوع الكبير لكي نسهل على الطفل استخدامها بعد ذلك نتدرج في الصعوبة باستخدام أنواع من المكرونة تكون اصغر حجماً او ترمس أو فاصوليا جافة و هكذا.... و الكبش يتم باستخدام كف اليد و الأصابع :) السن المناسب: من عمر سنة و نصف أو أكثر ... حسب قدرات الطفل طريقة تقديم النشاط: تقوم الأم بعمل النشاط أمام طفلها أولا بالنقل من الطبق المليء إلي الطبق الفارغ بالكبش و بعد الانتهاء من نقل الكمية كلها تعيدها مره أخري بالكبش إلي الطبق الأول ثم تترك المجال للطفل لعمل النشاط بنفسه مع ملاحظة عدم الضغط عليه أو اجباره فله حرية التكرار أو التوقف وقتما يريد ملاحظة هامه: عند عمل النشاط مع الأطفال أقل من ثلاث سنوات و خاصة مع القطع الصغيرة على الأم متابعة طفلها لكي لا يبتلع أي قطع

أطفالنا و موهبتهم و شغفهم ابني الدكتور فلان أناااا بنتي المهندسة فلاااانه... للاسف جملة هدمت احلام ناس كتييير عشان تحقيق أحلام أهل في أولادهم طيب الاهل بيعملوا كده ليه؟؟؟ 1. عشان يحققوا حلمهم اللي هما نفسهم مقدروش يحققوه!!!! طيب اذا انتم مقدرتوش على تحقيقة ليه تطالبوا ولادكم بده دون مراعاة أحلامهم هما و لا نفضل نلف في الدايرة و يرجعوا يعملوا مع ولادهم نفس الحكاية؟؟؟ عشان يحققوا حلمهم 2. عشان يكملوا مسيرتهم و خوفهم على اللي بنوه 😐   دكتور عايز ابنه يكمل المسيرة، و ده مهندس عايز بنته تكون فاهمه شغله عشان تشغل الشغل الهندسي اللي بناه من بعده..... كلها برضه احلام للأهل دون مراعاة حلم الابناء 3. الواجهه الاجتماعية و الافتخار بيهم ادام الناس!!!! معلش الناس لا هي اللي بتذاكر و لا هي اللي احلامها بتضيع و للاسف مع الثلاث اسباب بيكون الاهل شايفين انهم صح و احنا اهلك و عايزيك احسن منا ( اعتراضي مش عالجملة، على مكانها اللي بتتقال فيه   ☺   ) و الاسباب دي بتدخل الاولاد في مقارنات من الاهل مع الاصدقاء او الاخوات كمان و الانتقادات اللي كلها بتدمر الثقة في النفس و بتخلي الاهل مركزين مع المذاك

البكاء وسيلة من وسائل التعبير عن مشاعرنا سواء فرح او حزن او غيرها.... جملة  ما تعيطش أنت راااااجل ( للاولاد ) أنتِ كل حاجة عيااااط ( للبنات ) دمرت مشاعر الكثير من الاطفال، وزرعت القسوة بداخلهم اتعاملوا مع مشاعرهم برفق ، و اعطوهم المجال للتعبير عنها و التعاطف معها البكاء أداة للتعبير عما بداخلنا البكاء سواء كان بيعبر عن ضعفهم او غضبهم او قهرهم او غيرها من المشاعر عند أطفالنا و كمان عندما يصحبه الزن بكون أسبابه عند أطفال كثيرة و منها: عدم القدرة على تسمية مشاعرهم و احتياجهم للتعاطف منا ، و ليس بأن نطلب منهم يوقفوا العياط او نزعق لهم او نضربهم المطلوب اننا نتكلم معاهم، نسمي مشاعرهم اللي أدت الي البكاء، و الحوار معاهم و نوصل لهم ان البكاء مش هيوصله للحل لمشكلته ، نفكر سوا في حلول، لما يكون عنده مشكلة ممكن يعيط عادي كتفريغ شحنة و مشاعر سلبية جواه، بس اول ما يهدى يبدأ يفكر في حلول بمساعدتنا ، الصوت العالي و الزن مش بيتفهموا و اننا كبار لا نفهم الصوت العالى و عندما يهدى يستطيع أن يأتي للتحدث معاً...... مهم جدا طريقة تعاملنا مع هذا البكاء لا ننتقده و نعنفه عشان منزرعش القسوة جواه

ألوان آمنة للأطفال من البشاميل الملون هذه الطريقة آمنة جدا على الأطفال لأنها من مواد طبيعية ( دقيق، ملح، ماء و ألوان طعام ) هذه الطريقة يمكن استخدامها للأطفال من عمر 6 أشهر و يمكنهم اللعب بها فالالوان مهمه جدا للأطفال و هذا النشاط يساعد على تنمية حاسة اللمس لدى الطفل و حاسة البصر من خلال رؤية الألوان و أخيرا تنمية الخيال و الحس الإبداعي لدية و لمتابعة الطريقة و الخطوات من خلال الفيديو التالي: و في انتظار مشاركتكم :) دمتم بخير المستشارة الاسرية شيماء الجميل و لمتابعة المزيد على صفحة الفيس بوك من خلال الرابط التالي لوني حياة طفلك

نشاط فاصل للكتب نشاط سهل و بسيط في التنفيذ تشجع الطفل أن يكون له أدواته الخاصة به عند القراءة في كتبه   و ينمي الخيال و الابداع عن الطفل الأدوات المستخدمة: عصا الآيس كريم قطن ال Pom Pom عيون مسدس شمع للصق و يمكن استخدام أية أدوات أخرى متاحة في المنزل الشكل النهائي بعد استخدامه :) شاركونا تجاربكم :) دمتم مبدعين المستشارة الاسرية شيماء الجميل صفحة الفيس بوك لوني حياة طفلك