ماما أنا هتجوز مين ؟؟!!!!

بواسطة -

دخلت نوسي و أنا في المطبخ
و اتفاجئت بالسؤاااال ده
ماما هو أنا هتجوز مين؟؟؟؟...
لاول وهله اتفاجئت نعم يا حبيبتي بتقولي ايه؟!!!
هتجوز مين يا ماما ؟؟؟؟
قولت لها معرفش حبيبتي......
دخلت في بكاااااااء
و أنا من جوايا عايزة اضحك
كتمت الضحكه ( لانها هتتفهم استهزاء بيها و سؤالها )
خدت نفس ( شهيق.... زفير ) و ابتسمت لها بحنان

ماما: تعالي حبيبتي نطلع بره و خدتها في حضني.... مالك يا نوسي بتعيطي ليه ؟
نوسي : انت مش بتقولي هتجوز ميييين ؟
ماما: طيب نهدى عشان تسمعيني... و بدأت تهدأ فعلا
لانها عايزة الاجابة
دلوقتي انا معرفش انت هتتجوزي مين... انت لسه صغيرة... لازم تكبري الأول حبيبتي
بصي حبيبتي ... احنا عاملين زي القطر اللي ماشي و بيعدي على محطات ( محطة... محطة )
الأول بنكون بيبي صغيرين، بعدين نكبر شوية و ندرس و تذاكر و ننجح  و نكبر شوية كمان و نشتغل و يكون معانا فلوس تخلينا نقدر نفتح بيت و نصرف عليه و نقدر نخللي بالنا من البيبي بتاعنا....
ساعتها نقدر نتجوز...
وقتها هتكوني ست كبيره ان شاء الله و تتعرفي على راجل كبير ( كان ولد صغنن زيك في الاول)
تتفقوا مع بعض و تتجوزي ( الكلام بعضه كبييير عليها بس محتاج مني ادخل مفاهيم و أهلا بالسؤال بعد كده في أي وقت )
و تبقوا بابا و ماما
نوسي : اممممم يعني انا هكون ماما لما أكبر
ماما: ايوة حبيبتي ان شاء الله
ماشي
و آخر اليوم لقيتها بتسألني: طيب لما أكون انا ماما هتكوني أنتِ ايه ؟
قولت لها تيتا... و بابا هيكون جدو
و ان شاء الله هوريها صور و ادعم الموضوع لصور الانسان و تطور المراحل العمرية من الصغر للكبر
بس الحمد لله على كده انتهى الحواااار

نصايح مهمه أوي لما اطفالنا يسألونا سؤال غير متوقع لينا:
1. لازم نأخد السؤال بهدووووء و نبتعد عن الضحك نهائي، عشان منفقدش ثقتهم فينا و ميوصلهومش اننا بنستهزأ بالسؤال أو بيهم.

2. الطفل من حقه يسألنا أي سؤال يجي على باله، و احنا واجب علينا توفير الاجابة اللي ترضيه و تريحه ( بما يناسب سنه).

3. في السؤال و اجابتي كررت الجواز انه بعد ما نكبر، و كان فيه تأكيد انه خطوة قبل ما نكون بابا و ماما...
و دي نقطة مهمه جداااا عشان نزرع فيهم ان الزواج هو الطريق السليم و الصحيح عشان يكونوا بابا أو ماما، بالنسبة لنوسي مدخلناش في تفاصيل أكتر ( التفاصيل بتكون حسب سن الطفل، قدراته، معرفة الأم بطفلها نفسه، و السؤال اللي الطفل بيسأل عنه).

4. مش عيب اذا الطفل سأل سؤال منعرفش اجابته، اننا نقول ده بكل صراحة، و اننا هندور .... و نرجع نرد عليه قبل ما يسأل تاني.... و ده هيعرف الطفل أنه علينا البحث لما منعرفش حاجة، و أن مفيش انسان عنده كل العلم.

5. لازم ندي اهتمام لطفلنا لما يسألنا سؤال، ده بيحسسه بأهميته ، اذا الطفل جه و سأل سؤال، نركز معااااه و ندي له وقتنا، و اذا مشغولة بحاجة اخلصها بسرعة  و اقول له هخلص بسرعة و اجي لك .

أحبكم في الله
دمتم طيبين
شيماء الجميل

#لوني_حياة_طفلك
#يومياتي_مع_نوسي
#ماما_أنا_هتجوز_مين

تعليقات

إرسال تعليق

المشاركات الشائعة من هذه المدونة

أنشطة مختلفة باستخدام الشاليمو ( المصاصة )

بواسطة -
صورة
موعدنا اليوم كما وعدتكم سابقاً مع مجموعة أنشطة باستخدام الشاليمو ( المصاصة )،  فهي لدى الكثير منا و لكننا لا نعرف لها استخداماً في أنشطة مع الأطفال. في هذا الموضوع مجموعة من الأنشطة باستخدام الشاليمو. و الموضوع في هذا الرابط سيكون متجدد بكل نشاط يخص الشاليمو ، سيتم إضافته هنا للموضوع بإذن الله النشاط الأول نشاط غرز الشاليمو في الصلصال المهارات التي ينميها النشاط: تقوية عضلات أصابع اليد الدقيقة الصغيرة ( من خلال قص الشاليمو ، و غرز الشاليمو في الصلصال، و استخدام الصلصال). خطوات النشاط: قص الشاليمو باستخدام مقص مناسب للأطفال بأطوال متفاوته. عمل صلصال منزلي و استخدامه في النشاط ، أو استخدام صلصال جاهز مع السن أكبر من ثلاث سنوات ( كما تفضلين). و لعمل الصلصال المنزلي من خلال الرابط التالي: https://www.youtube.com/watch?v=BfZfcbxf574 تشكيل الصلصال كما يحب الطفل و غرز الشاليمو به. النشاط الثاني عمل سلسلة من الشاليمو خطوات النشاط و المهارات التي ينميها النشاط: قص الشاليمو بمقص مناسب للأطفال بالطول المفضل. ادخال الشاليمو في خيط صوف لعمل السلسلة
قراءة المزيد

أنماط التعلم ( الصفات، اختبار تحديد الأنماط، و شرح درس للثلاثة أنماط )

بواسطة -
صورة
أنماط التعلم ( الصفات، اختبار تحديد الأنماط، و شرح درس للثلاثة أنماط ) أنماط التعلم من المفاتيح من وجهة نظري لمعرفة الشخصيات و تسهل كثير في المذاكرة بالنسبة للأطفال.. و معرفة نمط التعلم تسهل علينا الكثير ليس فقط في طريقة ادخال المعلومة و لكنه يساعدنا أيضاً في معرفة بعض سمات الشخصية ما المقصود بأنماط التعلم؟ ببساطة أنماط التعلم هي طريقة استقبال المعلومة للمخ ( أي كيف تدخل المعلومة إلى المخ ؟) و هنا نتحدث عن ثلاثة أنماط: البصري (Visual) : البصري يستخدم العين لإدخال المعلومات لمخه ، فهو لدية القدرة على مراقبة العالم حوله من خلال عينه و بعناية. و هو يفضل رؤية الأشياء كالصور أو الرسوم أو البيانات، و البصريين تُثيرهم الألوان و الأشكال. لذلك نجدهم بمجرد نظرهم للشيء أول ما يلفت نظرهم الانسيابية في الشكل و أنه مريح للعين و ألوانه متناسقة. السمعي (Auditory) : يستخدم السمعي الأذن في استقبال المعلومات، لذلك نجده يتأثر سريعاً بالأصوات و يميل للمناقشات و الأحاديث و يتكلم كثيراً. و يفضل السمعي أن يُشرح له ما عليه فعله و المهمة المطلوبة منه عن اتباع الارشادات المكتوبة. الحسي (Kinesthetic) أو الح
قراءة المزيد

التنمر الجزء الثاني

بواسطة -
صورة
من منا لم يتعرض أو رأى من يتعرض للتنمر ؟؟؟ في هذا المقال سيتم طرح موضوع التنمر و مناقشته ما المقصود من التنمر؟ التنمر هو سلوك غير مرغوب فيه، فهو سلوك عدواني بين الأطفال سواء لفظي أو جسماني في سن المدرسة، عن طريق إظهار القوة من الذي يقوم بالتنمر وفرض سلطته على من هم أضعف منه قوة.  والأطفال الذين يتعرضون للتنمر تتكون لديهم بعد ذلك مشاكل نفسية فمنهم من يرى أن الحياة غير ممكنه ويحتاج هؤلاء الأطفال للعلاج والدعم النفسي. و التنمر من السلوكيات المكتسبة أي أنها ليست طباع في الطفل أو يولد بها. أو جزء من شخصيته، فهو سلوك يكتسبه سواء من معاملة الأهل له أو المجتمع الذي يعيش به. و هو من السلوكيات الموجودة بكثرة في المدارس . فلنبدأ معاً بأهم الأساليب التي يمارس بها التنمر على الغير : أولاً: التنمر اللفظي و أساليبه كالتالي: 1) الاستفزاز 2) النداء باسم فيه سخرية أو مضايقة للمتنمر عليه 3) بالتعليقات الجنسية الغير لائقة 4) التهديد بالحاق الضرر 5) السخرية ثانيا: التنمر الاجتماعي: 1) الابتعاد أو النفور من شخص ما. 2) تحريض الأطفال على عدم الاقتراب أو مصادقة طفل ما. 3) نشر الشائعات المؤذية عن شخص ما.
قراءة المزيد