shaimaaelgamil

تعبانه .. مشاكل كتير فوق دماغي أفكار كتير عامله زحمة، لدرجة أني اوقات بكون مش عارفة أفكر ... ضغوط أحلام و أمنيات خلاص مش قادرة ... مش عارفة أعمل ايه .... هشششش ... قولي لكل ده بسسس كفاية .... أنت مش هتستفادي حاجة من الزحمة دي ... افصلي ... و عيشي اللحظة مع ولادك !!! يعني ايه أعيش معاهم اللحظة ؟ ؟ ؟ اقفلي الباب على مشاكلك و ضغوط الحياة لحد ما تأخدي نفس بعيد عنهم ... يخليكي تقدري تفكري بهدوووء عيشي اللحظة و الحاضر مع ولادك في فسحة حلووووة ... استمتعي فيها بكل ما فيها الهواء الالوان حواليكي اسمعي الأصوات كويس بصي على ولادك و ملامحهم و هما فرحانين أنك معاهم .. ايوة أنت معاهم مش بس بجسمك، لا موجودة بروحك و أفكارك و مشاعرك اللي مركزة معاهم اضحكي من قلبك ألمسيهم و أحضنيهم و قبليهم، استمتعي بكل لحظة معاهم انسي التليفون و ابعدي عن الآلة المعدنية دي ... ابعدي عن العالم الخيالي، و عيشي في الواقع ممكن تستخدمي التليفون استخدام واحد بس يومها  ❤ في تصوير أحلي اللحظات معاهم. بس و أنت معاهم في الصورة، الصورة لن تكتمل إلا بوجودك بكيانك معاهم فرق كبيير بين أنك تكوني معاهم في الصورة ... أو أ

موعدنا اليوم كما وعدتكم سابقاً مع مجموعة أنشطة باستخدام الشاليمو ( المصاصة )،  فهي لدى الكثير منا و لكننا لا نعرف لها استخداماً في أنشطة مع الأطفال. في هذا الموضوع مجموعة من الأنشطة باستخدام الشاليمو. و الموضوع في هذا الرابط سيكون متجدد بكل نشاط يخص الشاليمو ، سيتم إضافته هنا للموضوع بإذن الله النشاط الأول نشاط غرز الشاليمو في الصلصال المهارات التي ينميها النشاط: تقوية عضلات أصابع اليد الدقيقة الصغيرة ( من خلال قص الشاليمو ، و غرز الشاليمو في الصلصال، و استخدام الصلصال). خطوات النشاط: قص الشاليمو باستخدام مقص مناسب للأطفال بأطوال متفاوته. عمل صلصال منزلي و استخدامه في النشاط ، أو استخدام صلصال جاهز مع السن أكبر من ثلاث سنوات ( كما تفضلين). و لعمل الصلصال المنزلي من خلال الرابط التالي: https://www.youtube.com/watch?v=BfZfcbxf574 تشكيل الصلصال كما يحب الطفل و غرز الشاليمو به. النشاط الثاني عمل سلسلة من الشاليمو خطوات النشاط و المهارات التي ينميها النشاط: قص الشاليمو بمقص مناسب للأطفال بالطول المفضل. ادخال الشاليمو في خيط صوف لعمل السلسلة

موعدنا اليوم مع نشاط جديد و مختلف باستخدام الشاليمو الأدوات المستخدمة: ورق كرتون مقوى ملون شاليمو بالعدد المفضل خرز بألوان و أشكال مختلفة أو حسب المتوفر مسدس شمع لصاق خطوات تنفيذ النشاط: نقوم بقص الورق المقوى بالسُمك المناسب للطفل و الطول المناسب لرأسه. نقوم بقص الشاليمو كما في الصورة.     ثم نقوم بلصق الشاليمو و تثبيته جيداً على الورق المقوى و تزيين التاج بالخزر المفضل للطفل.             كما موضح بالصورة و أخيراً نقوم بلصق طرفين التاج :) . و هذا الشكل النهائي للتاج. ملاحظات تخص النشاط: النشاط يمكننا تنفيذه مع الأطفال من سن سنتين أو حسب قدرات الطفل. الحذر من الخزر مع الأطفال الصغيرة. الحذر من استخدام المسدس الشمع فيجب استخدامه من قبل الأم. دمتم مبدعين شيماء الجميل يسعدني مشاركتكم بتطبيقاتكم للنشاط من خلال صفحة  لوني حياة طقلك لا تنسوا الإشتراك في المدونة ليصلكم كل جديد مواضيع ذات صلة: خمسة أنشطة مختلفة باستخدام الدقيق شجرة العائلة ببصمة اليد فاصل بسيط للكتب

ما تعيطش أنت راجل  لاحظت استشارات كتير على الصفحة هنا عند دعاء أن فيه أمهات بتشتكي من قسوة الأب و قسوته على أولاده و أنه بيشوف عياطهم دلع و الاسباب .... مش هنقول كان بيتضرب زمان من أهله ... لا حاجة تانية خالص .... اتربى على ما تعيطش أنت راجل جملة بنسمعها كتييييييير للأولاد الاطفال ( و نحط تحتها مليون خط ) الصغيرين!!!! و نفسي أعرف ليه؟؟ ما تعيطش أنت راااااجل متقولش آآآآه و تتألم و انشف كده أنت رااااجل الرااااااجل قوي و محدش يشوف دموعه دموووع الرجل ضعف مفاهيم حطها مجتمعنا و معايير معرفش اتبنت و اتحطت على أي أساس ؟!!! بس النتيجة للأسف كبت و عدم تعاطف مع اللي قدامه أصله اتربى على انه يكتم مشاعره أصله راااجل يكون شايف زوجته بتعيط أو أولاده و من كبت المشاعر اللي عانى منه زمان مبقاش يأثر فيه مين قال أن الراجل مينفعش يعيط و انها ضعف هو مش انسان بشر و بيحس ؟! عايزة احكي لكم عن موقف حصل ادامي و انا صغيره لرجل مراته كانت مريضة جدا و مش بتقدر تتحرك شوفته و هو بيعيط لوحده عشان مرض زوجته عارفين شعوري كان ايه؟؟ احترمته جدا و حسيت انها دموع غاليه أوي ، دموع تعبر عن مشاعر حلوه و خوف و دعاء بالشف

حبيبت أشارك معاكم أول حاجة أكتبها بعد ما بدأت امشي في طريق شغفي و كانت طبعا أول كتاباتي عند الغالية دعاء صفوت في صفحتها و عن أغلى الناس  😍 ........................... أمي السلام عليكم و رحمة الله و بركاته أول حاجة ليا اكتبها و تتنشر عليها اسمي انهارده  :)  بشكر دعاء انها اديتني الفرصة دي الحمد لله لما سألتها تنصحيني أول حاجة ليا تكون فيها ايه ؟؟ قالت لي اكتبي حاجة من روحك مقليتش الصراحة حاجة تمس روحي زي أمي فقررت أن اول كتابة ليا تنشر تكون عن أمي و عن الأم ميلادي كان من خلالك يا أمي عشان كده قررت ميلادي انهارده برضة يكون ليه علاقة بيكي يا أغلى و أعز الناس أمي اللي استحملت عشانا كتييييييير و جت على نفسها برضة كتييير في فيديو التضحية بتاع دعاء اتكلمت اننا كأمهات لازم يكون ولادنا جزء من حياتنا مش كل حياتنا عشان هيجي الوقت اللي كل واحد منهم يكون له حياته و هتكون هي جزء منها مش كلها برضه بس لما اتكلم عن أمي أقدر أقول أننا احنا حياتها مكناش جزء منها هي عايشة لينا و بينا أمي ربنا يحفظها ربتنا بفطرتها السليمة سبحان الله ، و أنا اللي مع كل وقت بتعلم جديد في التربية الاقيها كانت بتعمل ك

موضوع جديد  :) للأسف كتير من الآباء بيتعاملوا مع حياة ولادهم على أنها ملكية خاصة بيهم ،  يشكلوها على مزاجهم زي ما يحبوا لتحقيق رغباتهم هما للأسف. منهم اللي عايز ابنه طبيب أو مهندس أو غيره عشان يكون زيه و يكمل مشواره اللي حققه .... و تاني عايزه يكون طبيب عشان يحقق حلمه اللي هو نفسه مقدرش يحققه و بيطالب ابنه بكده .... طب ليه ؟؟!!! ربنا وهبنا هذه الأمانة عشان نساعدها على عبور أولى خطواتها على جسر حياتها عشان تقدر تكمل بعد كده حياتها لوحدها....  تصوروا حطيتوهم على الجسر الخطأ .. هيقدورا يكملوا؟! و لا هيقفوا في نص الطريق يدوروا على مكانهم الصح فين ؟!! شوفت كتييييير حولي يبكون على حياتهم اللي ضاعت بسبب اختيارات أهاليهم ليهم و اللي بتكون بعيدة جداً عن رغباتهم و أحلامهم و مواهبهم يبكون على فشلهم في حياتهم الناس دي عايزة أقول لهم الحياة مخلصتش و لا انتهت ،  طالما لسه فيه نفس موجود فياللا نكمل الطريق اللي حلمتوا بيه و بتحقيقه آه هياخد منكم وقت عشان تغيروا المسار بتاعكم بس ايه المشكلة مش أحسن من انكم تفضلوا طول العمر في الطريق الغلط  و تكونوا ناااااس عادييــــــــــــــــن  :( الان

السلام عليكم و رحمة الله و بركاته رمضان مبارك علينا جميعاً، ربنا يتقبله منا ان شاء الله أردت في هذا الموضوع المشاركة بأفكار لأنشطة مخلتفة قمت بها مع أطفالي في رمضان في العشر الأوائل منه النشاط الأول: زينة رمضان فلقد قمنا بعمل زينة لرمضان من الفوانيس و الهلال و النجوم  و كان ذلك باستخدام الورق الملون و ورق الكريب crepe paper و كانت النتيجة كما في الصور :)  ورق ملون على شكل هلال و نجوم و تم ملأه بكور من الورق الكريب  قمت بقص العديد من نفس شكل الفانوس من الورق المقوى ثم ثنيهم من المنتصف و لصقهم بالصمغ و تزينهم النشاط الثاني : السبحة استخدمنا السبحة التي قمنا بعملها قبل رمضان في تعلم التسبيح خلال نهار رمضان تفاصيل نشاط السبحة و كيفية عملها و ربطها بالمنتسوري في هذا الرابط تشاط السبحة و فيديو طريقة عملها من هنا https://www.youtube.com/watch?v=fJlHZmnUWIY النشاط الثالث: التمر بالحليب و المنتسوري تفاصيل النشاط في الرابط التالي: التمر بالحليب و المنتسوري النشاط الرابع: الخيمة و وقت للعب الحر قمنا بعمل خيمة باستخد

قمنا بعمل نشاط التمر بالحليب بالاعتماد على تنمية مهارات الطفل من خلال الدمج بفكرة منهج المنتسوري و الحياة العملية فيه التي تهتم بتنمية العضلات الدقيقة . و كان ذلك من خلال تنمية مهارة التقطيع و الفرز و الصب. النشاط يمكن القيام به مع الأطفال من ثلاثة سنوات أو حسب قدرات الطفل و كانت الأدوات و النشاط كالتالي: الأدوات : 7 تمرات سكين غير حاد كوب طبق صغير لوضع نواة التمر به طبق كبير لوضع التمر به أداة للتقطيع ليضع الطفل التمر عليها، لتقطيعه و حفاظاً على سلامة الطفل صينية النشاط ملحوظة: يفضل استخدام الأدوات بدون وجود أشكال عليها بدون نقوش، فإن توفر ذلك يكون أفضل عرض النشاط: نقوم بتوضيح الخطوات للطفل بالقيام بعمل واحدة من التمر أمام الطفل ليكمل هو الباقي، أو عمل كوب كامل،  ثم يقوم هو بعمل كوب آخر له بالنسبة لي وضحت بواحدة من التمر لأني لم أكن أحتاج الكثير. خطوات النشاط كالآتي : نشاط تقطيع ... من خلال تقطيع التمر إلي نصفين بالسكين على أداة التقطيع . نشاط الفرز ... و ذلك بإخراج النواة من كل تمره على حدى، و وضع النواة في الطبق الخاص بها ،                  

بسبوسة ستايل  :)    جربت طريقة جديدة من فترة طلعت جميييلة و لأني من محبي البسبوسة و جربت لها طرق كتيييير عشان تضبط معايا و كل مرة كانت بتطلع بنتيجة غيراللي قبلها البسبوسة اتعلمت منها على رأي شيمو انها اسلوب حياة  😆 ازاي بقى؟ حياتنا فيها تجارب كتيييير و حاجات كتييير نفسنا نحققها و ننجح فيها و فيه بعض الاحلام اللي بيشاركك فيها ناس تانية زيك بردة نفسهم ينجحوا في نفس الحلم و اذا فكرنا في التربية كمان زي ما بنفكر في طرق عمل الأكلات اللي بنحبها و نرجع نجرب فيها كذا مرة بصبر و ده لأننا بنحب الأكلة دي فالتربية كذلك تحتاج منا الصبر و التكرار للوصول إلي هدفنا و هو تربية طفل سوي يقدر يعمر الأرض الحلم واحد عند الجميع و هو التربية السليمة اهم حاجة في الموضوع انك متقفيش عند تجربة او اتنين نحو تحقيق حلمك في تربية أطفالك لا استمري و كملي و اتعلمي و اصبري .. اصبري .. اصبري .... طفلي عنيد دوري و اقرأي كتير عن العند و أسبابة و ازاي تتعاملي مع الطفل العنيد و سمات المرحلة ... و مهم جداً تصبري عند تطبيق اللي قرأتيه لأنه بياخد وقت بيختلف من طفل للتاني. و نقطة مهم كمان ينفع تحطي مكونات البسبوسة

إليك في هذا الموضوع تجميع لخمسة أنشطة باستخدام الدقيق سهلة التحضير و آمنة لأطفالنا و كل هذا بالشرح المفصل و الطريقة النشاط الأول : الصلصال المنزلي الآمن بمواد بسيطة : الطريقة بتفاصيلها في هذا الفيديو: https://www.youtube.com/watch?v=BfZfcbxf574 و لمعرفة المزيد من المعلومات عن فائدة الصلصال و استخداماته المختلفة مع أطفالها من هنا النشاط الثاني: عجينة الملح: هي من العجائن الممتعة و الرائعة في استخدامها و الكبار و الصغار يحبونها الطريقة بالتفاصيل في هذا الفيديو: https://www.youtube.com/watch?v=YtEK9VsJflk النشاط الثالث: الألوان الآمنة من البشاميل الملون : هذه الطريقة يمكن استخدامها للأطفال من عمر 6 أشهر فهي آمنه و سهلة التحضير الطريقة بالتفاصيل في هذا الفيديو: https://www.youtube.com/watch?v=DjQRSgelWrc و يمكنكم قراءة المزيد عن النشاط  من هنا النشاط الرابع:  ألوان للأطفال من كريم الحلاقة الرغوي Gillette foam هذه الألوان يحبها الأطفال لملمسها الجميل بالإضافة إلي أنها بعد جفافها تكون بارزة 3D فيمكن استخدامها في الأنشطة التي نحتاج إلي عمل مج