ما تعيطش أنت راجل
لاحظت استشارات كتير على الصفحة هنا عند دعاء أن فيه أمهات بتشتكي من قسوة الأب و قسوته على أولاده و أنه بيشوف عياطهم دلع و الاسباب .... مش هنقول كان بيتضرب زمان من أهله ...
لا حاجة تانية خالص .... اتربى على ما تعيطش أنت راجل
جملة بنسمعها كتييييييير للأولاد الاطفال ( و نحط تحتها مليون خط ) الصغيرين!!!!
و نفسي أعرف ليه؟؟
ما تعيطش أنت راااااجل
متقولش آآآآه و تتألم و انشف كده أنت رااااجل
الرااااااجل قوي و محدش يشوف دموعه
دموووع الرجل ضعف
مفاهيم حطها مجتمعنا و معايير معرفش اتبنت و اتحطت على أي أساس ؟!!!
بس النتيجة للأسف كبت و عدم تعاطف مع اللي قدامه أصله اتربى على انه يكتم مشاعره
أصله راااجل
يكون شايف زوجته بتعيط أو أولاده و من كبت المشاعر اللي عانى منه زمان مبقاش يأثر فيه
مين قال أن الراجل مينفعش يعيط و انها ضعف هو مش انسان بشر و بيحس ؟!
عايزة احكي لكم عن موقف حصل ادامي و انا صغيره لرجل مراته كانت مريضة جدا و مش بتقدر تتحرك شوفته و هو بيعيط لوحده عشان مرض زوجته
عارفين شعوري كان ايه؟؟
احترمته جدا و حسيت انها دموع غاليه أوي ، دموع تعبر عن مشاعر حلوه و خوف و دعاء بالشفا ليها
أبو بكر الصديق رضى الله عنه كان معروف برقته و رحمته و كان لما يسمع آيات القرآن الكريم كان يبكي و كان أول خليفه و أول المبشرين بالجنة...
يعني ديننا مقلش للراجل ما تعيطش...... المشكلة في المجتمع و التربية و التقاليد الموروثة الخاطئة.
ليه بتقتلوا في أولادكم المشاعر الحلوه؟
ليه تخلوهم قاسيين؟
رفقاً بأولادكم
تعاطفوا معاهم
طبطبوا عليهم
احترموا مشاعرهم
و سيبوهم يعيطوا و يطلعوا مشاعرهم السلبية مع دموعهم
الدموع دي نعمة من ربنا سبحانه و تعالى لينا
بلاش تكبتوها في أولادكم
#سيبوهم_يطلعوا_مشاعرهم
#تعاطفوا_مع_أولادكم
#أحبك_في_الله_يا_دعاء
دمتم طيبين
أحبكم في الله
شيماء الجميل
ملحوظة: الموضوع تم نشرة سابقا في صفحة حياتنا وولادنا مع المستشارة الأسرية دعاء صفوت
في الرابط التالي: https://www.facebook.com/DOAASAFWAT4/photos/a.660853070700709.1073741827.639688816150468/1067265136726165/?type=3&theater
تعليقات
إرسال تعليق